ხელშეკრულების მიხედვით შესაბამისი მომსახურეობის გაწევა
service level agreement(SLA) – მომხმარებელთან მუშაობისას მნიშვნელოვანია რომ ვიმოქმედოთ დადებული ხელშეკრულების მიხედვით. SLA არის ორგანიზაციასა და სერვისის მომწოდებელს შორის დადებული შეთანხმება, რომლის საფუძველზეც მომწოდებელი ასრულებს შესაბამისი დონის მომსახურებას. როგორც კომპანიის თანამშრომელი, თქვენი მოვალეობაა მომხმარებელთან იმოქმედო SLA-ის შესაბამისად.
SLA წარმოადგენს იურიდიულ ხელშეკრულებას, რომელშიც ასახულია ორივე მხარის ვალდებულებები. SLA-ში შეიძლება გათვალისწინებული იყოს შემდგომი მოთხოვნილებები:
- გარანტირებული გამოხმაურება (გამოხმაურების დრო განისაზღვრება ზარის და მომსახურების ტიპზე)
- რა ტიპის აპარატურაზე და პროგრამულ უზრუნველყოფაზე განხორციელდება მხარდაჭერა
- მომსახუროების ადგილმდებარეობა
- სისტემის პროფილაქტიკური მხარდაჭერა
- დიაგნოსტიკა
- დამატებითი ნაწილები (ეკვივალენტური ნაწილები)
- ღირებულება და ჯარიმები
- სამუშაო საათები (მაგ 24×7 ან ორშაბათიდან პარასკევის ჩათვლით, 8:00-დან 18:00 საათამდე GMT/UTC + 4სთ)
ხშირად სურვილისამებრ, გამონაკლისის სახით იქმნება დამატებითი მომსახურების მქონე SLA შეთახმებები. ზოგიერთი გამონაკლისი შეიძლება მოიცავდეს უფრო მაღალი დონის მომსახურების შეთავაზებას ან პრობლემის გადაგზავნას ადმინისტრაციისთვის. ამდაგვარი გადაგზავნა უნდა განხორციელდეს მხოლოდ განსაკუთრებულ შემთხვევებში. მაგალითად, მუდმივმა მომხმარებელმა ან დიდი კომპანიის წარმომადგენელმა შეიძლება მოგვმართოს პრობლემით, რომელიც არ არის გათვალისწინებული SLA ხელშეკრულებაში. ამ შემთვევაში ადმინისტრაცია გაუწევს დახმარებას საქმიანი ურთიერთობის შენარჩუნებისთვის.